کہا تھا ہم نے تجھے تو اے دل کہ چاہ کی مے کو تو نہ پینا

کہا تھا ہم نے تجھے تو اے دل کہ چاہ کی مے کو تو نہ پینا

جو اس کو پی کر تو ایسا بہکا کہ ہم کو مشکل ہوا ہے جینا

جو آنکھیں چنچل کی دیکھیں ہم نے تو نوک مژگاں نے دل کو چھیدا

نگہ نے ہوش و خرد کو لوٹا ادا نے صبر و قرار چھینا

کہا جو ہم نے کہ آن لگیے ہمارے سینے سے اس دم اے جاں

تو سن کے اس نے حیا کی ایسی کہ آیا منہ پر وہیں پسینہ

کیا ہے غصہ میں ہاتھ لا کر مرا گریباں جو ٹکڑے اس نے

پھٹا ہی رہنا ہے اب تو بہتر نہیں مناسب کچھ اس کو سینا

کہا تھا آؤں گا دو ہی دن میں ولے نہ آیا وہ شوخ اب تک

گنا جو ہم نے نظیرؔ دل میں تو اس سخن کو ہوا مہینہ

kaha tha ham ne tujhe to ai dil ke chah ki mai ko to na pina

jo us ko pi kar to aisa bahka ke ham ko mushkil hua hai jina

jo ankhen chanchal ki dekhen ham ne to nok-e-mizhgan ne dil ko chheda

nigah ne hosh-o-khirad ko lauta ada ne sabr-o-qarar chhina

kaha jo ham ne ke an lagiye hamare sine se is dam ai jan

tu sun ke us ne haya ki aisi ke aya munh par wahin pasina

kya hai ghussa mein hath la kar mira gareban jo tukre us ne

phata hi rahna hai ab to behtar nahin munasib kuchh us ko sina

kaha tha aunga do hi din mein wale na aya wo shokh ab tak

gina jo ham ne nazir dil mein to is sukhan ko hua mahina