کھو نہ جا اس سحَر و شام میں اے صاحبِ ہوش!

کھو نہ جا اس سحَر و شام میں اے صاحبِ ہوش!

اک جہاں اور بھی ہے جس میں نہ فردا ہے نہ دوش

کس کو معلوم ہے ہنگامۂ فردا کا مقام

مسجد و مکتب و میخانہ ہیں مُدّت سے خموش

مَیں نے پایا ہے اُسے اشکِ سحَر گاہی میں

جس دُرِ ناب سے خالی ہے صدف کی آغوش

نئی تہذیب تکلّف کے سوا کچھ بھی نہیں

چہرہ روشن ہو تو کیا حاجتِ گُلگُونہ فروش!

صاحبِ ساز کو لازم ہے کہ غافل نہ رہے

گاہے گاہے غَلط آہنگ بھی ہوتا ہے سروش

kho na ja is sahar-o-sham mein ai sahab-e-hosh!

ik jahan aur bhi hai jis mein na farda hai na dosh

kis ko maalum hai hangama-e-farda ka maqam

masjid-o-maktab-o-maikhana hain muddat se khamosh

main ne paya hai use ashk-e-sahar gahi mein

jis dur-e-nab se khali hai sadaf ki aghosh

nai tahzib-e-takalluf ke siwa kuchh bhi nahin

chehra raushan ho to kya hajat-e-gulguna farosh!

sahab-e-saz ko lazim hai ke ghafil na rahe

gahe gahe ghalat ahang bhi hota hai sarosh