کچھ شکوے گلے ہوتے کچھ طیش سوا ہوتا

کچھ شکوے گلے ہوتے کچھ طیش سوا ہوتا

قسمت میں نہ ملنا تھا ملتے بھی تو کیا ہوتا

جاتے تو قلق ہوتا آتے تو خفا ہوتے

ہم جاتے تو کیا ہوتا وہ آتے تو کیا ہوتا

شکوؤں کا گلا کیا ہے انصاف تو کر ظالم

کیا کچھ نہ کیا ہوتا گر تو میری جا ہوتا

گر صلح ٹھہر جاتی سو فتنے اٹھے ہوتے

اچھا ہے نہ ملنا ہی ملتے تو برا ہوتا

سوچو تو ظہیرؔ آخر وہ جور تو کرتا ہے

میں اس سے گلا کر کے محروم جفا ہوتا

kuchh shikwe gale hote kuchh taish siwa hota

qismat mein na milna tha milte bhi to kya hota

jate to qalaq hota ate to khafa hote

ham jate to kya hota wo ate to kiya hota

shakoun ka gila kya hai insaf to kar zalim

kya kuchh na kiya hota gar to meri ja hota

gar sulh thahar jati so fitne uthe hote

achchha hai na milna hi milte to bura hota

socho to zahir akhir wo jaur to karta hai

main us se gila kar ke mahrum jafa hota