کچھ لاگ کچھ لگاو محبت میں چاہئے

کچھ لاگ کچھ لگاو محبت میں چاہئے

دونوں طرح کا رنگ طبیعت میں چاہئے

یہ کیا کہ بت بنے ہوئے بیٹھے ہو بزم میں

کچھ بے تکلفی بھی تو خلوت میں چاہئے

وہ ابتدائے عشق میں حاصل ہوئی مجھے

جو بات انتہائے محبت میں چاہئے

آئیں گے بے شمار فرشتے عذاب کے

میدان حشر غیر کی تربت میں چاہئے

کچھ تو پڑے دباؤ دل بے قرار پر

پارا بھرا ہوا مری تربت میں چاہئے

معشوق کے کہے کا برا مانتے ہو داغؔ

برداشت آدمی کی طبیعت میں چاہئے

kuchh lag kuchh lago mohabbat mein chahiye

donon tarah ka rang-e-tabiat mein chahiye

ye kya ke but bane hue baithe ho bazm mein

kuchh be takallufi bhi to khalwat mein chahiye

wo ibtida-e-ishq mein hasil hui mujhe

jo bat intiha-e-mohabbat mein chahiye

aenge be shumar farishte azab ke

maidan-e-hashr ghair ki turbat mein chahiye

kuchh to pare dabao dil-e-be qarar par

para bhara hua miri turbat mein chahiye

maashuq ke kahe ka bura mante ho dagh

bardasht admi ki tabiat mein chahiye