کچھ اور دل لگی نہیں اس بد نصیب سے

کچھ اور دل لگی نہیں اس بد نصیب سے

ہم جانتے ہیں کھیلتے ہو تم رقیب سے

میں بد گمانیوں کا بھی ممنون ہو گیا

وہ حال پوچھ لیتے ہیں میرا طبیب سے

دشمن بنائے ہیں مری قسمت نے سینکڑوں

چاہا ہے تجھ کو خلق نے میرے نصیب سے

اے ناصح شفیق رہے کچھ تو چھیڑ چھاڑ

ذکر حبیب کم نہیں وصل حبیب سے

مانند برق مثل ہوا صورت نگاہ

اکثر نکل گئے ہیں وہ میرے قریب سے

پوچھو جناب داغؔ کی ہم سے شرارتیں

کیا سر جھکائے بیٹھے ہیں حضرت غریب سے

kuchh aur dil lagi nahin is bad nasib se

ham jante hain khelte ho tum raqib se

main bad gumaniyon ka bhi mamnun ho gaya

wo hal puchh lete hain mera tabib se

dushman banae hain miri qismat ne sainkron

chaha hai tujh ko khalq ne mere nasib se

ai naseh-e-shafiq rahe kuchh to chher chhar

zikr-e-habib kam nahin wasl-e-habib se

manind-e-barq misl hua surat-e-nigah

aksar nikal gae hain wo mere qarib se

puchho janab dagh ki ham se shararaten

kya sar jhukae baithe hain hazrat gharib se