تری جو زلف کا آیا خیال آنکھوں میں

تری جو زلف کا آیا خیال آنکھوں میں

وہیں کھٹکنے لگا بال بال آنکھوں میں

تری جو چشم کے گوشے میں تل ہے ایسا تل

نظر پڑا ہے کہیں خال خال آنکھوں میں

نشے میں سرخ ہیں ایسی طرح سے تیرے چشم

گویا کھلا ہے کنول لال لال آنکھوں میں

وہ خوش نگہ تری حاتمؔ نظر پڑا ہے آج

چھپا لے اس کے تئیں حال حال آنکھوں میں

tiri jo zulf ka aya khayal ankhon mein

wahin khatakne laga bal bal ankhon mein

tiri jo chashm ke goshe mein til hai aisa til

nazar para hai kahin khal khal ankhon mein

nashe mein surkh hain aisi tarah se tere chashm

goya khula hai kanwal lal lal ankhon mein

wo khush nigah tiri hatim nazar para hai aj

chhupa le us ke tain hal hal ankhon mein