کوچۂ یار میں کچھ دور چلے جاتے ہیں

کوچۂ یار میں کچھ دور چلے جاتے ہیں

ہم طبیعت سے ہیں مجبور چلے جاتے ہیں

ہم کہاں جاتے ہیں یہ بھی ہمیں معلوم نہیں

بادۂ عشق سے مخمور چلے جاتے ہیں

گرچہ آپس میں وہ اب رسم محبت نہ رہی

توڑ جوڑ ان کے بدستور چلے جاتے ہیں

بیٹھے بیٹھے جو دل اپنا کبھی گھبراتا ہے

سیر کرنے کو سر طور چلے جاتے ہیں

قیس و فرہاد کے مرنے کا زمانہ گزرا

آج تک عشق کے مذکور چلے جاتے ہیں

kucha-e-yar mein kuchh dur chale jate hain

ham tabiat se hain majbur chale jate hain

ham kahan jate hain ye bhi hamen maalum nahin

bada-e-ishq se makhmur chale jate hain

garche apas mein wo ab rasm-e-mohabbat na rahi

tor jor un ke badastur chale jate hain

baithe baithe jo dil apna kabhi ghabrata hai

sair karne ko sar-e-tur chale jate hain

qais-o-farhad ke marne ka zamana guzra

aj tak ishq ke mazkur chale jate hain