کچھ تو ہو کر دو بدو کچھ ڈرتے ڈرتے کہہ دیا

کچھ تو ہو کر دو بدو کچھ ڈرتے ڈرتے کہہ دیا

دل پہ جو گزرا تھا ہم نے آگے اس کے کہہ دیا

باتوں باتوں میں جو ہم نے درد دل کا بھی کہا

سن کے بولا تو نے یہ کیا بکتے بکتے کہہ دیا

اب کہیں کیا اس سے ہمدم دل لگاتے وقت آہ

تھا جو کچھ کہنا سو وہ تو ہم نے پہلے کہہ دیا

چاہ رکھتے تھے چھپائے ہم تو لیکن اس کا بھید

کچھ تو ہم نے سامنے اس ہم نشیں کے کہہ دیا

یہ ستم دیکھو ذرا منہ سے نکلتے ہی نظیرؔ

اس نے اس سے اس نے اس سے کہہ دیا

kuchh to ho kar do bado kuchh darte darte kah diya

dil pe jo guzra tha ham ne age us ke kah diya

baton baton mein jo ham ne dard-e-dil ka bhi kaha

sun ke bola tu ne ye kya bikte bikte kah diya

ab kahen kya us se hamdam dil lagate waqt ah

tha jo kuchh kahna so wo to ham ne pahle kah diya

chah rakhte the chhupae ham to lekin us ka bhed

kuchh to ham ne samne is ham nashin ke kah diya

ye sitam dekho zara munh se nikalte hi nazir

us ne us se us ne us se kah diya