کون کرتا ہے سر زلف کی باتیں دل میں

کون کرتا ہے سر زلف کی باتیں دل میں

جی پہ کٹتی ہیں عجب طرح کی راتیں دل میں

کوئی ترکیب ملاقات کی بنتی نہیں اور

وصل کے روز کیا کرتے ہیں گھاتیں دل میں

گو ہمیں تو نے یہ ظاہر میں نوازا پر ہم

دھیان میں اپنے تری کھاتے ہیں لاتیں دل میں

طرفہ شطرنج محبت کی ہے غائب بازی

شاطر عشق کو ہو رہتی ہیں ماتیں دل میں

کون سی آن و ادا ہے کہ نہیں جی کو لگے

کھب رہی ہیں وہ تری سب حرکاتیں دل میں

ذات گر پوچھیے آدم کی تو ہے ایک وہی

لاکھ یوں کہنے کو ٹھہرائیے ذاتیں دل میں

وصل کا صاد بھی ہوئے گا حسنؔ صبر کرو

دفتر عشق کی دوڑیں ہیں براتیں دل میں

kaun karta hai sar-e-zulf ki baten dil mein

ji pe katti hain ajab tarah ki raten dil mein

koi tarkib mulaqat ki banti nahin aur

wasl ke roz kiya karte hain ghaten dil mein

go hamen tu ne ye zahir mein nawaza par ham

dhyan main apne tiri khate hain laten dil mein

turfa shatranj mohabbat ki hai ghaib bazi

shatir-e-ishq ko ho rahti hain maten dil mein

kaun si an-o-ada hai ke nahin ji ko lage

khab rahi hain wo tiri sab harkaten dil mein

zat gar puchhiye adam ki to hai ek wahi

lakh yun kahne ko thahraiye zaten dil mein

wasl ka sad bhi hue ga husn-e-sabr karo

daftar-e-ishq ki dauren hain baraten dil mein