کوئی نہیں کہ یار کی لاوے خبر مجھے

کوئی نہیں کہ یار کی لاوے خبر مجھے

اے سیل اشک تو ہی بہا دے ادھر مجھے

یا صبح ہو چکے کہیں یا میں ہی مر چکوں

رو بیٹھوں اس سحر ہی کو میں یا سحر مجھے

نہ دیر ہی کو سمجھوں ہوں نہ کعبہ یہ ترا

پھرتا ہے اشتیاق لئے گھر بہ گھر مجھے

منت تو سر پہ تیشہ کی فرہاد تب میں لوں

جب سر پٹکنے کو نہ ہو دیوار و در مجھے

کیا جاؤں جاؤں کرتا ہے جاناں تو بیٹھ جا

میں دیکھوں تجھ کو اور تو دیکھ اک نظر مجھے

پھر کوئی دم میں آہ خدا جانے یہ فلک

لے جاوے کس طرف کو تجھے اور کدھر مجھے

رونا کبھی جو آنکھوں بھی دیکھا نہ تھا حسنؔ

سو اب فلک نے دل کا کیا نوحہ گر مجھے

koi nahin ke yar ki lawe khabar mujhe

ai sail-e-ashk tu hi baha de idhar mujhe

ya subh ho chuke kahin ya main hi mar chukun

ro baithun is sahar hi ko main ya sahar mujhe

na der hi ko samjhun hun na kaaba ye tira

phirta hai ishtiyaq liye ghar ba ghar mujhe

minnat to sar pe tesha ki farhad tab main lun

jab sar patakne ko na ho diwar-o-dar mujhe

kya jaun jaun karta hai janan to baith ja

main dekhun tujh ko aur to dekh ik nazar mujhe

phir koi dam mein ah khuda jane ye falak

le jawe kis taraf ko tujhe aur kidhar mujhe

rona kabhi jo ankhon bhi dekha na tha husn

so ab falak ne dil ka kiya nauha gar mujhe