ترک کر اپنے ننگ و نام کو ہم

ترک کر اپنے ننگ و نام کو ہم

جاتے ہیں واں فقط سلام کو ہم

خم کے خم تو لڑھائی یوں ساقی

اور یوں ترسیں ایک جام کو ہم

میں کہا میں غلام ہوں بولا

جانیں ہیں خوب اس غلام کو ہم

دیر و کعبہ کے بیچ ہیں ہنستے

خلق کے دیکھ اژدہام کو ہم

متکلم ہیں خاص لوگوں سے

کرتے ہیں کب خطاب عام سے ہم

روٹھنے میں بھی لطف ہے انشاؔ

صبح گر روٹھے وہ تو شام کو ہم

tark kar apne nang-o-nam ko ham

jate hain wan faqat salam ko ham

kham ke kham to lurhai yun saqi

aur yun tarsen ek jam ko ham

main kaha main ghulam hun bola

janen hain khub is ghulam ko ham

dair-o-kaaba ke bich hain hanste

khalq ke dekh azhdaham ko ham

mutakallim hain khas logon se

karte hain kab khitab-e-am se ham

ruthne mein bhi lutf hai insha

subh gar ruthe wo to sham ko ham