کورانہ انگریز پرستی

رہا وہ جرگہ جسے چر گئی ہے انگریزی

سو واں خدا کی ضرورت نہ انبیا درکار

وہ آنکھ میچ کے بر خود غلط بنے ایسے

کہ ایشیا کی ہر اک چیز پر پڑی دھتکار

جو پوششوں میں ہے پوشش تو پس دریدہ کوٹ

سواریوں میں سواری تو دم کٹا رہوار

جو اردلی میں ہے کتا تو ہاتھ میں اک بید

بجاتے جاتے ہیں سیٹی سلگ رہا ہے سگار

وہ اپنے آپ کو سمجھے ہوئے ہیں جنٹلمین

اور اپنی قوم کے لوگوں کو جانتے ہیں گنوار

نہ کچھ ادب ہے نہ اخلاق نے خدا ترسی

گئے ہیں ان کے خیالات سب سمندر پار

وہ اپنے زعم میں لبرل ہیں یا ریڈیکل ہیں

مگر ہیں قوم کے حق میں بصورت اغیار

نہ انڈیا میں رہے وہ نہ وہ بنے انگلش

نہ ان کو چرچ میں آنر نہ مسجدوں میں بار

نہ کوئی علم نہ صنعت نہ کچھ ہنر نہ کمال

تمام قوم کے سر پر سوار ہے ادبار

raha wo jirga jise char gai hai angrezi

so wan khuda ki zarurat na ambiya darkar

wo ankh maich ke bar khud ghalat bane aise

ke eshiya ki har ik chiz par pari dhutkar

jo poshishon mein hai poshish to pas darida kot

sawariyon mein sawari to dam kata rahwar

jo ardali mein hai kutta to hath mein ik baid

bajate jate hain siti sulag raha hai sigar

wo apne ap ko samjhe hue hain jantilmen

aur apni qaum ke logon ko jante hain ganwar

na kuchh adab hai na akhlaq ne khuda tarsi

gae hain un ke khayalat sab samundar par

wo apne zaam mein libral hain ya redikal hain

magar hain qaum ke haq mein basort aghyar

na andiya mein rahe wo na wo bane inglish

na un ko charch mein anar na masjidon mein bar

na koi ilm na sanat na kuchh hunar na kamal

tamam qaum ke sar par sawar hai idbar