تری نگاہ تلطف نے فیض عام کیا

تری نگاہ تلطف نے فیض عام کیا

خرد کے شہر کے سب وحشیوں کوں رام کیا

اگرچہ تیر پلک نے کیا تھا دل برما

ولے نگاہ کے خنجر نے خوب کام کیا

ترے سلام کے دھج دیکھ کر مرے دل نے

شتاب آ کہ مجھے رخصتی سلام کیا

نہ جانوں عشق کی بجلی کدھر سیں آئی ہے

کہ مجھ جگر کے کھلے کوں جلا تمام کیا

اسی کے ہاتھ میں ہے خاتم سلیمانی

نگین دل پہ جو نقش اس صنم کا نام کیا

مجھے نگاہ تغافل رقیب پر الطاف

ادائے مصلحت آمیز نے غلام کیا

اے آفتاب تری ظلمت جدائی میں

سراجؔ آہ سحر کوں چراغ شام کیا

tiri nigah-e-talattuf ne faiz-e-am kiya

khirad ke shahr ke sab wahshiyon kun ram kiya

agarche tir palak ne kiya tha dil barma

wale nigah ke khanjar ne khub kam kiya

tire salam ke dhaj dekh kar mire dil ne

shitab a ke mujhe rukhsati salam kiya

na janun ishq ki bijli kidhar sin ai hai

ke mujh jigar ke khule kun jala tamam kiya

usi ke hath mein hai khatam-e-sulaimani

nagin-e-dil pe jo naqsh us sanam ka nam kiya

mujhe nigah-e-taghaful raqib par altaf

ada-e-maslahat amez ne ghulam kiya

ai aftab tiri zulmat-e-judai mein

siraj ah-e-sahar kun charagh-e-sham kiya