کون وقت اے وائے گزرا جی کو گھبراتے ہوئے

کون وقت اے وائے گزرا جی کو گھبراتے ہوئے

موت آتی ہے اجل کو یاں تلک آتے ہوئے

آتش خورشید سے اٹھتا نہیں دیکھا دھواں

آ کھڑے ہو بام پر تم بال سکھلاتے ہوئے

چاک آتا ہے نظر پیراہن صبح بہار

کس شہید ناز کو دیکھا ہے کفناتے ہوئے

وہ نہ جاگے رات کو اور ضد سے بخت خفتہ کی

بج گیا آخر گجر زنجیر کھڑکاتے ہوئے

kaun waqt ai wae guzra ji ko ghabrate hue

maut ati hai ajal ko yan talak ate hue

atish-e-khurshid se uthta nahin dekha dhuan

a khare ho bam par tum bal sukhlate hue

chak ata hai nazar pairahan-e-subh-e-bahar

kis shahid-e-naz ko dekha hai kafnate hue

wo na jage rat ko aur zid se bakht-e-khufta ki

baj gaya akhir gajar zanjir kharkate hue