کوشش نا تما م

فُرقتِ آفتاب میں کھاتی ہے پیچ و تاب صُبح

چشمِ شفَق ہے خوں فشاں اخترِ شام کے لیے

رہتی ہے قیسِ روز کو لیلیِ شام کی ہوس

اخترِ صبح مضطرب تابِ دوام کے لیے

کہتا تھا قطبِ آسماں قافلۂ نجوم سے

ہمرہو، میں ترس گیا لُطفِ خرام کے لیے

سوتوں کو ندّیوں کا شوق، بحر کا ندّیوں کو عشق

موجۂ بحر کو تپش ماہِ تمام کے لیے

حُسنِ ازل کہ پردۂ لالہ و گُل میں ہے نہاں

کہتے ہیں بے قرار ہے جلوۂ عام کے لیے

رازِ حیات پُوچھ لے خِضرِ خجستہ گام سے

زندہ ہر ایک چیز ہے کوششِ نا تمام سے

furqat-e-aftab mein khati hai pech-o-tab subh

chashm-e-shafaq hai khun fishan akhtar-e-sham ke liye

rahti hai qais-e-roz ko laila-e-sham ki hawas

akhtar-e-subh muztarib tab-e-dawam ke liye

kahta tha qutb-e-asman qafila-e-nujum se

hamraho, mein taras gaya lutf-e-khiram ke liye

soton ko nadiyon ka shauq, bahr ka nadiyon ko ishq

mauja-e-bahr ko tapish mah-e-tamam ke liye

husn-e-azal ke parda-e-lala-o-gul mein hai nihan

kahte hain be qarar hai jalwa-e-am ke liye

raz-e-hayat puchh le khizr-e-khajsata-e-gam se

zinda har ek chiz hai koshish-e-na tamam se