کوئی حیران ہے یاں کوئی دلگیر

کوئی حیران ہے یاں کوئی دلگیر

کہے تو ہے یہ عالم بزم تصویر

جلے تک کا میں اپنے قدرداں ہوں

یہ چٹکی راکھ ہے اک طرفہ اکسیر

نگاہ عجز کچھ کچھ کارگر تھی

سو اب جاتی رہی اس کی بھی تاثیر

وہ دن کیا با حلاوت تھے کہ احباب

موافق تھے بہم جوں شکر و شیر

کروں کیوں کر نہ میں راسخؔ مباہات

کہ ہیں استاد میرے حضرت میرؔ

koi hairan hai yan koi dilgir

kahe to hai ye alam bazm-e-taswir

jale tak ka main apne qadardan hun

ye chutki rakh hai ik turfa iksir

nigah-e-ijz kuchh kuchh kargar thi

so ab jati rahi us ki bhi tasir

wo din kya ba halawat the ke ahbab

muafiq the baham jun shukr-o-sher

karun kyun kar na main rasikh mubahat

ke hain ustad mere hazrat-e-mir