کل جو تم ایدھر سے گزرے ہم نظر کر رہ گئے

کل جو تم ایدھر سے گزرے ہم نظر کر رہ گئے

جی میں تھا کچھ کہیے لیکن آہ ڈر کر رہ گئے

جب نہ کچھ بس چل سکا اپنا تو پھر حسرت سے ہائے

دیکھ کر منہ کو ترے اک آہ بھر کر رہ گئے

سر بہت پٹکا قفس میں اپنا ہم نے ہم صفیر

کوئی نہ پہنچا داد کو فریاد کر کر رہ گئے

نامہ بر کی یا کبوتر کی کہ دل کی رکھیے آس

اپنے تو یاں سے گئے جو واں وہ مر کر رہ گئے

کل کسی کا ذکر خیر آیا تھا مجلس میں حسنؔ

اس دل بے تاب پر ہم ہاتھ دھر کر رہ گئے

kal jo tum idhar se guzre ham nazar kar rah gae

ji mein tha kuchh kahiye lekin ah dar kar rah gae

jab na kuchh bas chal saka apna to phir hasrat se hae

dekh kar munh ko tire ik ah bhar kar rah gae

sar bahut patka qafas mein apna ham ne ham safir

koi na pahuncha dad ko fariyad kar kar rah gae

nama bar ki ya kabutar ki ke dil ki rakhiye as

apne to yan se gae jo wan wo mar kar rah gae

kal kisi ka zikr-e-khair aya tha majlis mein husn

is dil-e-be tab par ham hath dhar kar rah gae