بیکسی عشق

ایک دن اس نے جو مجھ سے پوچھا

کیوں مرے ملنے کا ارمان ہوا

اس کو دیکھا تو مگر آہوں کا

موجزن سینے میں طوفان ہوا

ہوئی چہرے سے نمایاں وحشت

دونوں ہاتھوں سے لیا دل کو تھام

یاس ارمان تمنا حسرت

دل سے آنکھوں میں اتر آئے تمام

کچھ جواب اس کو جو دینا چاہا

لب ملے پر نہ صدا نکلی آہ

ایک محشر تھا خیالوں کا بپا

وہ لگی چپ کہ عیاذاً باللہ

ek din us ne jo mujh se puchha

kyun mire milne ka arman hua

us ko dekha to magar ahon ka

maujzan sine mein tufan hua

hui chehre se numayan wahshat

donon hathon se liya dil ko tham

yas arman-e-tamanna hasrat

dil se ankhon mein utar ae tamam

kuchh jawab us ko jo dena chaha

lab mile par na sada nikli ah

ek mahshar tha khayalon ka bapa

wo lagi chup ke ayaza balla