کمالِ جوشِ جُنوں میں رہا مَیں گرمِ طواف

کمالِ جوشِ جُنوں میں رہا مَیں گرمِ طواف

خدا کا شُکر، سلامت رہا حرم کا غلاف

یہ اتّفاق مبارک ہو مومنوں کے لیے

کہ یک زباں ہیں فقیہانِ شہر میرے خلاف

تڑپ رہا ہے فلاطوں میانِ غیب و حضور

ازل سے اہلِ خرد کا مقام ہے اعراف

ترے ضمیر پہ جب تک نہ ہو نزولِ کتاب

گِرہ کُشا ہے نہ رازی نہ صاحبِ کشّاف

سُرور و سوز میں ناپائدار ہے، ورنہ

مئے فرنگ کا تہ جُرعہ بھی نہیں ناصاف

kamal-e-josh-e-junun mein raha main garm-e-tawaf

khuda ka shukr, salamat raha haram ka ghilaf

ye ittifaq mubarak ho mominon ke liye

ke yak zaban hain faqihan-e-shahr mere khilaf

tarap raha hai falatun miyan-e-ghaib-o-huzur

azal se ahl-e-khirad ka maqam hai aaraf

tire zamir pe jab tak na ho nuzul-e-kitab

girah kusha hai na razi na sahab-e-kashshaf

surur-o-soz mein napaidar hai, warna

mai farang ka tah jura bhi nahin nasaf