کفر میں بھی ہم رہے قسمت سے ایماں کی طرف

کفر میں بھی ہم رہے قسمت سے ایماں کی طرف

شکر ہے کعبہ بھی نکلا کوئے جاناں کی طرف

کچھ اسیران قفس کے بخت ہی برگشتہ ہیں

بوئے گل پھر پھر گئی الٹی گلستاں کی طرف

دیکھتے مر کر کسی پر لطف عمر جاوداں

کیوں گئے خضر و سکندر آب حیواں کی طرف

دیکھیے کیا گل کھلائے فصل گل آتی تو ہے

ہاتھ ابھی سے دوڑتے ہیں جیب و داماں کی طرف

رشک کہتا ہے کہ پونچھے ہوں گے اس سے اشک غیر

ہاتھ اٹھ کر رہ گیا سو بار داماں کی طرف

kufr mein bhi ham rahe qismat se iman ki taraf

shukr hai kaaba bhi nikla ku-e-janan ki taraf

kuchh asiran-e-qafas ke bakht hi bargashta hain

bu-e-gul phir phir gai ulti gulistan ki taraf

dekhte mar kar kisi pur lutf umr-e-jawedan

kyun gae khizr-o-sikandar ab-e-haiwan ki taraf

dekhiye kya gul khilae fasl-e-gul ati to hai

hath abhi se daurte hain jeb-o-daman ki taraf

rashk kahta hai ke ponchhe honge us se ashk ghair

hath uth kar rah gaya sau bar daman ki taraf