کشش سے دل کی اس ابرو کماں کو ہم رکھا بہلا

کشش سے دل کی اس ابرو کماں کو ہم رکھا بہلا

جو کر قبضے میں دل سب کا پھرے تھا سب سے وہ گہلا

جو گزرا عرش سے یہ نہ فلک کرسی ہے اس آگے

کرے ہے لا مکاں کی سیر عاشق چھوڑ نو محلا

تھکا آخر کو مجنوں غم سے راہ عشق میں میرے

غبار خاطر و آنسو کی بارش دیکھ کر چہلا

گلابی لعل کی ہوئی ہر کلی مے نوش سن تجھ کو

چمن میں ہے کھڑی لے جام نیلم نرگس شہلا

رکھی ہے ہم نے بازی زور سے شمشیر کے دشمن

کیا چاہے تھا سر واسوخت ہو مجھ نقش سے دہلا

تمہارے حسن کے گلشن میں پیارے کچھ نہ چھوڑوں گا

رقیبوں کے سر اوپر چڑھ کے توڑوں گا یہ پھل پہلا

نہ تھا ناجیؔ کو لازم طعن کرنا ہر سخن گو پر

جواب اس شعر کا حاتمؔ نہیں کچھ کام تو کہلا

kashish se dil ki is abru kaman ko ham rakha bahla

jo kar qabze mein dil sab ka phire tha sab se wo gahla

jo guzra arsh se ye na falak kursi hai is age

kare hai la makan ki sair ashiq chhor nau mahla

thaka akhir ko majnun gham se rah-e-ishq mein mere

ghubar-e-khatir-o-ansu ki barish dekh kar chehla

gulabi laal ki hui har kali mai nosh sun tujh ko

chaman mein hai khari le jam-e-nilam nargis-e-shahla

rakhi hai ham ne bazi zor se shamshir ke dushman

kya chahe tha sar wasokht ho mujh naqsh se dahla

tumhare husn ke gulshan mein pyare kuchh na chhorunga

raqibon ke sar upar charh ke torunga ye phal pahla

na tha naji ko lazim taan karna har sukhan go par

jawab is sher ka hatim nahin kuchh kam to kahla