بہت کچھ بھول ہو گئی بھولنے کا شادؔ سن آیا

بہت کچھ بھول ہو گئی بھولنے کا شادؔ سن آیا

مری جاں غم عبث ہے جھڑکیاں سننے کا دن آیا

ضرور اس نے کیا قاصد سے وعدہ اپنے آنے کا

گیا تھا مضطرب یاں سے وہاں سے مطمئن آیا

دل صد پارہ سے نسبت نہیں زنہار اے بلبل

چمن میں جا کے عاشق پتیاں پھولوں کی گن آیا

بڑی عظمت سے خود ساقی نے جا کر پیشوائی کی

شرابی کوئی مے خانہ کے اندر جب مسن آیا

چلو واعظ سے ہرگز کچھ نہ بولو چپ رہو رندو

ہوا جوش غضب یا سر پہ اس ناداں کے جن آیا

مریض غم کی صحت کی خبر اللہ سنوائے

گیا جو پاس اس کے شادؔ وہ پھر مطمئن آیا

bahut kuchh bhul ho gai bhulne ka shad sun aya

miri jan gham abas hai jhirkiyan sunne ka din aya

zarur us ne kiya qasid se waada apne ane ka

gaya tha muztarib yan se wahan se mutmain aya

dil-e-sad para se nisbat nahin zinhar ai bulbul

chaman mein ja ke ashiq pattiyan phulon ki gin aya

bari azmat se khud saqi ne ja kar peshwai ki

sharabi koi mai khana ke andar jab musin aya

chalo waiz se hargiz kuchh na bolo chup raho rindo

hawa josh-e-ghazab ya sar pe is nadan ke jin aya

mariz-e-gham ki sehhat ki khabar allah sunwae

gaya jo pas us ke shad wo phir mutmain aya