کسی نے رات کہا اس کی دیکھ کر صورت

کسی نے رات کہا اس کی دیکھ کر صورت

کہ میں غلام ہوں اس شکل کا بہر صورت

ہیں آئنے کے بھی کیا طالع اب سکندر واہ

کہ اس نگار کی دیکھے ہے ہر سحر صورت

عجب بہار ہوئی کل تو وقت نظارہ

جو میں ادھر کو ہوا اس نے کی ادھر صورت

ادھر کو جب میں گیا اس نے لی ادھر کو پھیر

پھرا میں اس نے پھرائی جدھر جدھر صورت

ہزاروں پھرتیاں میں نے تو کیں پر اس نے نظیرؔ

نہ دیکھنے دی مجھے اپنی آنکھ بھر صورت

kisi ne rat kaha us ki dekh kar surat

ke main ghulam hun is shakl ka bahar surat

hain aine ke bhi kya tale ab sikandar wah

ke is nigar ki dekhe hai har sahar surat

ajab bahar hui kal to waqt-e-nazzara

jo main idhar ko hua us ne ki idhar surat

idhar ko jab main gaya us ne li idhar ko pher

phira mein us ne pharai jidhar jidhar surat

hazaron phurtiyan main ne to kin par us ne nazir

na dekhne di mujhe apni ankh bhar surat