بیٹھے ہیں اب تو ہم بھی بولو گے تم نہ جب تک

بیٹھے ہیں اب تو ہم بھی بولو گے تم نہ جب تک

دیکھیں تو آپ ہم سے ناخوش رہیں گے کب تک

اقرار تھا سحر کا ایسا ہوا سبب کیا

جو شام ہونے آئی اور وہ نہ آیا اب تک

محفل میں گل رخوں کے آیا جو وہ پری رو

ہو شکل حیرت اس کی صورت رہے وہ سب تک

بوسہ نظیرؔ ہم کو دینے کہا تھا اس نے

ہم وقت پا کے جس دم لینے کی پہنچے ڈھب تک

ہر چند تھا نشے میں وہ شوخ تو بھی اس نے

ہرگز ہمارے لب کو آنے دیا نہ لب تک

baithe hain ab to ham bhi bologe tum na jab tak

dekhen to ap ham se nakhush rahenge kab tak

iqrar tha sahar ka aisa hua sabab kya

jo sham hone ai aur wo na aya ab tak

mahfil mein gul rukhon ke aya jo wo pari ru

ho shakl-e-hairat us ki surat rahe wo sab tak

bosa nazir ham ko dene kaha tha us ne

ham waqt pa ke jis dam lene ki pahunche dhab tak

har chand tha nashe mein wo shokh tu bhi us ne

hargiz hamare lab ko ane diya na lab tak