بیٹھو یاں بھی کوئی پل کیا ہوگا

بیٹھو یاں بھی کوئی پل کیا ہوگا

ہم بھی عاشق ہیں خلل کیا ہوگا

دل ہی ہو سکتا ہے اور اس کے بغیر

جان من دل کا بدل کیا ہوگا

حسن کے ناز اٹھانے کے سوا

ہم سے اور حسن عمل کیا ہوگا

کل کا اقرار جو میں کر کے اٹھا

بولا بیٹھ اور بھی چل کیا ہوگا

تو جو کل آنے کو کہتا ہے نظیرؔ

تجھ کو معلوم ہے کل کیا ہوگا

baitho yan bhi koi pal kya hoga

ham bhi ashiq hain khalal kya hoga

dil hi ho sakta hai aur us ke baghair

jan-e-man dil ka badal kya hoga

husn ke naz uthane ke siwa

ham se aur husn-e-amal kya hoga

kal ka iqrar jo main kar ke utha

bola baith aur bhi chal kya hoga

tu jo kal ane ko kahta hai nazir

tujh ko maalum hai kal kya hoga