کس طرح آئے تری بزم طرب میں آئنہ

کس طرح آئے تری بزم طرب میں آئنہ

ہے نظر بند آج کل شہر حلب میں آئنہ

ہند سے اس تک جو لے جائے کوئی تصویر یار

شرم سے لیلیٰ نہ دیکھے پھر عرب میں آئنہ

بزم میں بلوائے جلدی کہ اک مدت سے ہے

اشتیاق زلف و خط و چشم و لب میں آئنہ

نوکری بھی کی تو حیرانی فقط ہم کو ملی

آرسی تنخواہ میں پائی طلب میں آئنہ

شیخ صاحب تا کجا آرائش ریش سپید

دیکھیے شانہ بلا میں ہے غضب میں آئنہ

ساقیا یہ آئنہ ہے تیرا مے خانہ نہیں

ہے ہر اک ساغر کف بنت العنب میں آئنہ

دیکھنے جاتا ہے اس کو تاب نظارہ نہیں

سادہ لوح اس سے ہوا مشہور سب میں آئنہ

kis tarah ae tiri bazm-e-tarab mein aina

hai nazar band aj kal shahr-e-halab mein aina

hind se us tak jo le jae koi taswir-e-yar

sharm se laila na dekhe phir arab mein aina

bazm mein balwa-e-jaldi ke ik muddat se hai

ishtiyaq-e-zulf-o-khat-o-chashm-o-lab mein aina

naukri bhi ki to hairani faqat ham ko mili

arsi tankhwah mein pai talab mein aina

shaikh sahab ta kuja araish-e-rish-e-saped

dekhiye shana bala mein hai ghazab mein aina

saqiya ye aina hai tera mai khana nahin

hai har ik saghar kaf-e-bint-e-alinab mein aina

dekhne jata hai us ko tab-e-nazzara nahin

sada lauh us se hua mashhur sab mein aina