کریں گے ظلم دنیا پر یہ بت اور آسماں کب تک

کریں گے ظلم دنیا پر یہ بت اور آسماں کب تک

رہے گا پیر یہ کب تک رہوگے تم جواں کب تک

خداوندا انہیں کس دن شعور آئے گا دنیا کا

رہیں گی بے پڑھی لکھی ہماری لڑکیاں کب تک

پھرے گا اور کتنے دن خیالی پار گھوڑے پر

اڑے گا شعر گوئی میں نہ انجن کا دھواں کب تک

عنان حکمرانی دیکھیے کس دن خدا لے گا

رہیں گے قسمتوں پر حکمراں یہ آسماں کب تک

دئے جائیں گے کب تک شیخ صاحب کفر کے فتوے

رہیں گی ان کے صندوقچہ میں دیں کی کنجیاں کب تک

چلی جائے گی اک ہی رخ ہوا تاکہ زمانہ کی

نہ پورا ہوگا تیرا دور یہ اے آسماں کب تک

تحمل ختم ہوتے ہی بڑی بد نامیاں ہوں گی

تمہارے خوف سے پرویںؔ نہ کھولے گی زباں کب تک

karenge zulm duniya par ye but aur asman kab tak

rahega pir ye kab tak rahoge tum jawan kab tak

khadaonda unhen kis din shuur aega duniya ka

rahengi be parhi likhi hamari larkiyan kab tak

phirega aur kitne din khayali par ghore par

urega sher goi mein na anjan ka dhuan kab tak

inan-e-hukmarani dekhiye kis din khuda lega

rahenge qismaton par hukmaran ye asman kab tak

diye jaenge kab tak shaikh sahab kufr ke fatwe

rahengi un ke sanduqcha mein den ki kanjiyan kab tak

chali jaegi ik hi rukh hua take zamana ki

na pura hoga tera dur ye ai asman kab tak

tahammul khatm hote hi bari bad namiyan hongi

tumhare khauf se parwin na kholegi zaban kab tak