کریں گے اہلِ نظر تازہ بستیاں آباد

کریں گے اہلِ نظر تازہ بستیاں آباد

مری نگاہ نہیں سُوئے کوفہ و بغداد

یہ مدرسہ، یہ جواں، یہ سُرور و رعنائی

انھی کے دم سے ہے میخانۂ فرنگ آباد

نہ فلسفی سے، نہ مُلّا سے ہے غرض مجھ کو

یہ دل کی موت، وہ اندیشہ و نظر کا فساد

فقیہِ شہر کی تحقیر! کیا مجال مری

مگر یہ بات کہ مَیں ڈھُونڈتا ہوں دل کی کشاد

خرید سکتے ہیں دنیا میں عشرتِ پرویز

خدا کی دین ہے سرمایۂ غمِ فرہاد

کیے ہیں فاش رمُوزِ قلندری میں نے

کہ فکرِ مدرسہ و خانقاہ ہو آزاد

رِشی کے فاقوں سے ٹوٹا نہ برہَمن کا طِلسم

عصا نہ ہو تو کلیمی ہے کارِ بے بنیاد

karenge ahl-e-nazar taza bastiyan abad

miri nigah nahin su-e-kofa-o-baghdad

ye madrasa, ye jawan, ye surur-o-raanai

unhi ke dam se hai maikhana-e-farang abad

na falsafi se, na mulla se hai gharaz mujh ko

ye dil ki maut, wo andesha-o-nazar ka fasad

faqih-e-shahr ki tahqir! kya majal miri

magar ye bat ke main dhundta hun dil ki kushad

kharid sakte hain duniya mein ishrat-e-parwez

khuda ki din hai sarmaya-e-gham-e-farhad

kiye hain fash rumuz-e-qalandari main ne

ke fikr-e-madrasa-o-khanqah ho azad

rishi ke faqon se tuta na barahman ka tilism

asa na ho to kalimi hai kar-e-be buniyad