کبھی تھا ناز زمانہ کو اپنے ہند پہ بھی

کبھی تھا ناز زمانہ کو اپنے ہند پہ بھی

پر اب عروج وہ علم و کمال و فن میں نہیں

رگوں میں خوں ہے وہی دل وہی جگر ہے وہی

وہی زباں ہے مگر وہ اثر سخن میں نہیں

وہی ہے بزم وہی شمع ہے وہی فانوس

فدائے بزم وہ پروانے انجمن میں نہیں

وہی ہوا وہی کوئل وہی پپیہا ہے

وہی چمن ہے پہ وہ باغباں چمن میں نہیں

غرور جہل نے ہندوستاں کو لوٹ لیا

بجز نفاق کے اب خاک بھی وطن میں نہیں

kabhi tha naz zamana ko apne hind pe bhi

par ab uruj wo ilm-o-kamal-o-fan mein nahin

ragon mein khun hai wahi dil wahi jigar hai wahi

wahi zaban hai magar wo asar sukhan mein nahin

wahi hai bazm wahi shama hai wahi fanus

fida-e-bazm wo parwane anjuman mein nahin

wahi hua wahi koyal wahi papiha hai

wahi chaman hai pe wo baghban chaman mein nahin

ghurur-e-jahl ne hindostan ko laut liya

bajuz nifaq ke ab khak bhi watan mein nahin