کاش ابر کرے چادر مہتاب کی چوری

کاش ابر کرے چادر مہتاب کی چوری

تا مجھ سے بھی ہو جام مئے ناب کی چوری

ٹک تکیہ پہ سر دھر کے رہا سو تو لگائی

صاحب نے ہمیں مسند کمخواب کی چوری

سیماب کے آنسو وہ سدا روئے الٰہی

کی جس نے ہو میرے دل بے تاب کی چوری

وہ عشق کہ سچ آنکھوں سے کاجل کو چرا لے

کس طرح نہ عاشق کے کرے خواب کی چوری

مجھ کو سر بازار گھسٹوا کے نکالا

کی اس نے ہی کچھ خانۂ نواب کی چوری

جس نے کہ مرے چہرہ سے آب آہ اڑا لے

ثابت ہوئی اس پر در نایاب کی چوری

شب سیندھ جو دی داغ کی ایک چور نے انشاؔ

تو ہو گئی سب صبر کے اسباب کی چوری

kash abr kare chadar-e-mahtab ki chori

ta mujh se bhi ho jam-e-mai-e-nab ki chori

tuk takiya pe sar dhar ke raha so to lagai

sahab ne hamen masnad kamkhwab ki chori

simab ke ansu wo sada ru-e-ilahi

ki jis ne ho mere dil-e-be tab ki chori

wo ishq ke sach ankhon se kajal ko chura le

kis tarah na ashiq ke kare khwab ki chori

mujh ko sar-e-bazar ghisatwa ke nikala

ki us ne hi kuchh khana-e-nawwab ki chori

jis ne ke mire chehra se ab ah ura le

sabit hui us par dar nayab ki chori

shab sindh jo di dagh ki ek chur ne insha

to ho gai sab sabr ke asbab ki chori