کافر ہوا ہوں رشتۂ زنار کی قسم

کافر ہوا ہوں رشتۂ زنار کی قسم

تجھ زلف حلقہ دار کے ہر تار کی قسم

ہرگز مریض ہجر کوں بن وصل نہیں علاج

اس خوش ادا کی نرگس بیمار کی قسم

اس گل بدن کے کاکل پر پیچ کا خیال

زنار مجھ گلے کا ہوا ہار کی قسم

تیرے بھنووں کی یاد نے ٹکڑے کیا ہے دل

ہے ذو الفقار حیدر کرار کی قسم

امیدوار چاہ زنخدان یار ہوں

میں تشنہ لب ہوں شربت دیدار کی قسم

درکار گر حنا ہے مجھ آنکھوں میں رکھ قدم

ہے تجھ کوں میرے دیدۂ خوں بار کی قسم

یکجا ہوئے ہیں بلبل و پروانہ اے سراجؔ

اس شمع رو کے چیرۂ گل نار کی قسم

kafir hua hun rishta-e-zunnar ki qasam

tujh zulf halqa dar ke har tar ki qasam

hargiz mariz-e-hijr kun ban wasl nahin ilaj

is khush ada ki nargis-e-bimar ki qasam

us gul badan ke kakul pur pech ka khayal

zunnar mujh gale ka hua har ki qasam

tere bhunawon ki yad ne tukre kya hai dil

hai zu alfaqar haidar-e-karrar ki qasam

umidwar chah-e-zanakhdan yar hun

main tishna lab hun sharbat-e-didar ki qasam

darkar gar hina hai mujh ankhon mein rakh qadam

hai tujh kun mere dida-e-khun bar ki qasam

yakja hue hain bulbul-o-parwana ai siraj

is shama ro ke chira-e-gul nar ki qasam