Arooz is now on the App Store, for iPhone and iPad. Download →

All poetry

چھوٹا بڑا نہ کم نہ منجھولا ازار بند

Nazeer Akbarabadi (1735–1830)

چھوٹا بڑا نہ کم نہ منجھولا ازار بند

ہے اس پری کا سب سے امولا ازار بند

ہر اِک قدم پہ شوخ کہ زانو کہ درمیاں

کھاتا ہے کس جھلک سے جھکولا ازار بند

ہنسنے میں ہاتھ مرا کہیں لگ گیا تُو وہ

لونڈی سے بولی جا میرا دھو لا ازار بند

اُور دھو نہیں تُو پھینک دے ناپاک ہو گیا

وُہ دوسرا جُو ہے سو پرو لا ازار بند

اِک دِن کہا جو میں نے کے اے جان آپ کا

ہم نے کبھو مزے میں نہ کھولا ازار بند

سن کر لگی یہ کہنے کے اے واچھڑے چہ خوش

ایسا بھی کیا میں رکھتی ہوں پولا ازار بند

آ جاوے اس طرح سے جو اب ہر کسی کہ ہاتھ

ویسا تُو کچھ نہیں میرا بھولا ازار بند

اِک رات مرے ساتھ وُہ عیار مکر باز

لیٹی چھپا کہ اپنا ممولا ازار بند

جب سو گئی تُو میں نے بھی دہشت سے اس کی آ

پہلے تُو چپکے چپکے ٹٹولا ازار بند

آخر بڑی تلاش سے اس شوخ کا نظیرؔ

جب آدھی رات گزری تُو کھولا ازار بند