چھوڑتا مجھ کو نہ بسمل وہ مگر چھوڑ دیا

چھوڑتا مجھ کو نہ بسمل وہ مگر چھوڑ دیا

سر پہ احسان رہے اس لیے سر چھوڑ دیا

ٹکڑے ٹکڑے کیا ناصح کا گریباں میں نے

شکر ہے اس نے مرا دامن تر چھوڑ دیا

کام سب خانہ خرابی کے ہوئے ہیں تجھ سے

رحم کھا کر تجھے اے دیدۂ تر چھوڑ دیا

پھر کہاں تھا نہ یہاں تھا نہ وہاں تھا وہ شوخ

دامن اس کا جو سر راہ گزر چھوڑ دیا

لے گئی تھی ترے دیوانہ کو گھر سے وحشت

نہیں معلوم کہ جنگل میں کدھر چھوڑ دیا

داغؔ وارفتہ طبیعت کا ٹھکانہ کیا ہے

خانہ برباد نے مدت ہوئی گھر چھوڑ دیا

chhorta mujh ko na bismil wo magar chhor diya

sar pe ehsan rahe is liye sar chhor diya

tukre tukre kiya naseh ka gareban main ne

shukr hai us ne mira daman-e-tar chhor diya

kam sab khana kharabi ke hue hain tujh se

rahm kha kar tujhe ai dida-e-tar chhor diya

phir kahan tha na yahan tha na wahan tha wo shokh

daman us ka jo sar-e-rah guzar chhor diya

le gai thi tire diwana ko ghar se wahshat

nahin maalum ke jangal mein kidhar chhor diya

dagh warafta tabiat ka thikana kya hai

khana barbad ne muddat hui ghar chhor diya