چھپ کے اس نے جو خود نمائی کی

چھپ کے اس نے جو خود نمائی کی

انتہا تھی یہ دل ربائی کی

مائلِ غمزہ ہے وہ چشمِ سیاہ

اب نہیں خیر پارسائی کی

دام سے اُس کے چھوٹنا تو کہاں

یاں ہوس بھی نہیں رہائی کی

ہوکے نادم وہ بیٹھے ہیں خاموش

صلح میں شان ہے لڑائی کی

اس تغافل شعار سے حسرت

ہم میں طاقت نہیں جدائی کی

chhup ke us ne jo khud numai ki

intiha thi ye dil rabai ki

mail-e-ghamza hai wo chashm-e-siyah

ab nahin khair parsai ki

dam se us ke chhutna to kahan

yan hawas bhi nahin rihai ki

hoke nadim wo baithe hain khamosh

sulh mein shan hai larai ki

is taghaful shiar se hasrat

ham mein taqat nahin judai ki