ڈرتے ہیں چشم و زلف و نگاہ و ادا سے ہم

ڈرتے ہیں چشم و زلف و نگاہ و ادا سے ہم

ہر دم پناہ مانگتے ہیں ہر بلا سے ہم

معشوق جائے حور ملے مے بجائے آب

محشر میں دو سوال کریں گے خدا سے ہم

گر تو کسی بہانے آ جائے وقت نزع

ظالم کریں ہزار بہانے قضا سے ہم

گو حال دل چھپاتے ہیں پر اس کو کیا کریں

آتے ہیں خودبخود نظر اک مبتلا سے ہم

ناچار اختیار کیا شیوۂ رقیب

کچھ بے حیائی خوب ہیں گزرے حیا سے ہم

مانگی نہ ہوگی خضر نے یوں عمر جاوداں

کیا اپنی موت مانگتے ہیں التجا سے ہم

دیکھیں تو پہلے کون مٹے اس کی راہ میں

بیٹھے ہیں شرط باندھ کے ہر نقش پا سے ہم

مجبور اپنی شیوۂ شرم و حیا سے تم

ناچار اضطراب دل مبتلا سے ہم

یہ آرزو ہے آنکھ میں سرمہ لگائیں گے

اے داغؔ خاک پائے رسول خدا سے ہم

darte hain chashm-o-zulf-o-nigah-o-ada se ham

har dam panah mangte hain har bala se ham

maashuq jae hur mile mai bajae ab

mahshar mein do sawal karenge khuda se ham

gar to kisi bahane a jae waqt-e-nazaa

zalim karen hazar bahane qaza se ham

go hal-e-dil chhupate hain par us ko kya karen

ate hain khudbakhud nazar ik mubtala se ham

nachar ikhtiyar kiya shewa-e-raqib

kuchh be hayai khub hain guzre haya se ham

mangi na hogi khizr ne yun umr-e-jawedan

kya apni maut mangte hain iltija se ham

dekhen to pahle kaun mite us ki rah mein

baithe hain shart bandh ke har naqsh-e-pa se ham

majbur apni shewa-e-sharm-o-haya se tum

nachar iztirab-e-dil-e-mubtala se ham

ye arzu hai ankh mein surma lagaenge

ai dagh khak pae rasul-e-khuda se ham