بیکلی سے مجھے راحت ہوگی

بیکلی سے مجھے راحت ہوگی

چھیڑ دیں آپ عنایت ہوگی

وصل میں ان کے قدم چومیں گے

وہ بھی گر ان کی اجازت ہوگی

بے قراری کے مزے لوٹیں گے

آج پھر درد کی شدت ہوگی

ایک دن کھول کے جی رو لیں گے

ضبط غم کی جو اجازت ہوگی

قصۂ غم نہ کہوں گا حسرتؔ

جور کی ان کے شکایت ہوگی

bekali se mujhe rahat hogi

chher den ap inayat hogi

wasl mein un ke qadam chumenge

wo bhi gar un ki ijazat hogi

be qarari ke maze lautenge

aj phir dard ki shiddat hogi

ek din khol ke ji ro lenge

zabt-e-gham ki jo ijazat hogi

qissa-e-gham na kahunga hasrat

jaur ki un ke shikayat hogi