چمن میں دہر کے ہر گل ہے کان کی صورت

چمن میں دہر کے ہر گل ہے کان کی صورت

ہر ایک غنچہ ہے اس میں زبان کی صورت

نہیں ہے شکوہ اگر وہ نظر نہیں آتا

کسو نے دیکھی نہیں اپنی جان کی صورت

کہیں تو سب ہیں جہاں کو رباط کہنہ ولے

ہمیشہ ہے گی نئی اس مکان کی صورت

جو دیکھتا ہے سو پہچانتا نہیں، ایسی

بدل گئی ہے دل ناتوان کی صورت

جو نکلی بیضے سے بلبل تو ہوئی اسیر قفس

نہ دیکھی کھول کے آنکھ آشیان کی صورت

اگر ہزار مصور خیال دل میں کریں

کبھو نہ کھینچ سکیں اس کی آن کی صورت

فلک کے خوان اوپر اس کی تنگ چشمی سے

کبھو نظر نہ پڑی میہمان کی صورت

گھڑی گھڑی میں بدلتا ہے رنگ اے حاتمؔ

ہمیشہ بو قلموں ہے جہان کی صورت

chaman mein dahr ke har gul hai kan ki surat

har ek ghuncha hai is mein zaban ki surat

nahin hai shikwa agar wo nazar nahin ata

kisu ne dekhi nahin apni jan ki surat

kahin to sab hain jahan ko ribat kohna wale

hamesha hai gi nai is makan ki surat

jo dekhta hai so pahchanta nahin, aisi

badal gai hai dil natawan ki surat

jo nikli baize se bulbul to hui asir-e-qafas

na dekhi khol ke ankh ashiin ki surat

agar hazar musawwir khayal-e-dil mein karen

kabhu na khinch saken us ki an ki surat

falak ke khwan upar us ki tang chashmi se

kabhu nazar na pari mehman ki surat

ghari ghari mein badalta hai rang ai hatim

hamesha bu qalmon hai jahan ki surat