چاک‌ ہو پردہ وحشت مجھے منظور نہیں

چاک‌ ہو پردہ وحشت مجھے منظور نہیں

ورنہ یہ ہاتھ گریبان سے کچھ دور نہیں

سجدے کرنے سے مٹا خط جبیں اے زاہد

ہم کہے دیتے ہیں قسمت میں تری حور نہیں

محتسب مانع علت ہے گمان مے سے

سونگھنے کو بھی میسر مجھے انگور نہیں

لب تک آئی تھی شکایت کہ محبت نے کہا

دیکھ پچھتائے گا خاموش یہ دستور نہیں

رات دن نامہ و پیغام کہاں تک ہوں گے

صاف کہہ دیجئے ملنا ہمیں منظور نہیں

تم نے دی کوہ کن و قیس سے مجھ کو نسبت

کوئی دیوانہ نہیں میں کوئی مزدور نہیں

کیا کرے داغؔ کوئی اس کی محبت کا علاج

وہ کلیجہ ہی نہیں جس میں یہ ناسور نہیں

chak ho parda wahshat mujhe manzur nahin

warna ye hath gareban se kuchh dur nahin

sajde karne se mita khat-e-jabin ai zahid

ham kahe dete hain qismat mein tiri hur nahin

mohtasib mane-e-illat hai guman-e-mai se

sunghne ko bhi muyassar mujhe angur nahin

lab tak ai thi shikayat ke mohabbat ne kaha

dekh pachhtaega khamosh ye dastur nahin

rat din nama-o-paigham kahan tak honge

saf kah dijiye milna hamen manzur nahin

tum ne di koh kin-o-qais se mujh ko nisbat

koi diwana nahin main koi mazdur nahin

kya kare dagh koi us ki mohabbat ka ilaj

wo kaleja hi nahin jis mein ye nasur nahin