چاند آج کی رات نہیں نکلا

چاند آج کی رات نہیں نکلا

وہ اپنے لحافوں کے اندر چہرے کو چھپائے بیٹھا ہے

وہ آج کی رات نہ نکلے گا

یہ رات بلا کی کالی رات

تارے اسے جا کے بلائیں گے

صحرا اسے آوازیں دے گا

بحر اور پہاڑ پکاریں گے

لیکن اس نیند کے ماتے پر کچھ ایسا نیند کا جادو ہے

وہ آج کی رات نہ نکلے گا

یہ رات بلا کی کالی رات

مغرب کی ہوائیں چیخیں گی بحر اپنا راگ الاپے گا

سائیں سائیں

تاریکی میں چپکے چپکے سنسان بھیانک ریتے پر

بڑھتا بڑھتا ہی جائے گا

موجوں کی مسلسل یورش میں

وہ گیت برابر گاتے ہوئے

جو کوئی نہیں اب تک سمجھا

سبزے میں ہوئی کچھ جنبش سی

وہ کانپا

آہیں بھرنے لگا

چاند آج کی رات نہیں نکلا

بھیڑیں سر نیچے ڈالے ہوئے

چپ چاپ آنکھوں کو بند کئے

میداں کی اداس خموشی میں فطرت کی کھلی چھت کے نیچے

کیوں سہمی سہمی پھرتی ہیں

اور باہم سمٹی جاتی ہیں

چاند آج کی رات نہیں نکلا

چاند آج کی رات نہ نکلے گا

chand aj ki rat nahin nikla

wo apne lihafon ke andar chehre ko chhupae baitha hai

wo aj ki rat na niklega

ye rat bala ki kali rat

tare use ja ke balaenge

sahra use awazen dega

bahr aur pahar pukarenge

lekin is nind ke mate par kuchh aisa nind ka jadu hai

wo aj ki rat na niklega

ye rat bala ki kali rat

maghrib ki hawaen chikhengi bahr apna rag alapega

saen saen

tariki mein chupke chupke sunsan bhayanak rite par

barhta barhta hi jaega

maujon ki musalsal yurish mein

wo git barabar gate hue

jo koi nahin ab tak samjha

sabze mein hui kuchh jumbish si

wo kanpa

ahen bharne laga

chand aj ki rat nahin nikla

bhiren sar niche dale hue

chup chap ankhon ko band kiye

maidan ki udas khamoshi mein fitrat ki khuli chhat ke niche

kyun sahmi sahmi phirti hain

aur baham simti jati hain

chand aj ki rat nahin nikla

chand aj ki rat na niklega