چرچا ہمارا عشق نے کیوں جا بجا کیا

چرچا ہمارا عشق نے کیوں جا بجا کیا

دل اس کو دے دیا تو بھلا کیا برا کیا

اب کھولیے کتاب نصیحت کو شیخ پھر

شب مے کدہ میں آپ نے جو کچھ کیا کیا

وہ خواب ناز میں تھے مرا دیدۂ نیاز

دیکھا کیا اور ان کی بلائیں لیا کیا

روز ازل سے تا بہ ابد اپنی جیب کا

تھا ایک چاک جس کو میں بیٹھا سیا کیا

دیکھے جو داغ دامن عصیاں پہ بے شمار

میں نے بھی جوش گریہ سے طوفاں بپا کیا

گم کردہ راہ آئے ہیں وہ آج میرے گھر

اے میری آہ نیم شبی تو نے کیا کیا

کیا پوچھتے ہو دست قناعت کی کوتہی

کچھ وا شب وصال میں بند قبا کیا

لذت ہی تھی کچھ ایسی کہ چھوڑا نہ صبر کو

کرتے رہے وہ جور و ستم میں سہا کیا

کیا شے تھی وہ جو آنکھ سے دل میں اتر گئی

دل سے اٹھی تو اشک کا طوفاں بپا کیا

پھر لے چلا ہے کل مجھے کیوں بزم یار میں

ایجاد اس نے کیا کوئی طرز جفا کیا

شیداؔ غزل پڑھو کوئی مجلس میں دوسری

اک پڑھ کے رہ گئے تو بھلا تم نے کیا کیا

charcha hamara ishq ne kyun ja baja kiya

dil us ko de diya to bhala kya bura kiya

ab kholiye kitab-e-nasihat ko shaikh phir

shab mai kada mein ap ne jo kuchh kya kiya

wo khwab-e-naz mein the mira dida-e-niyaz

dekha kya aur un ki balaen liya kiya

roz-e-azal se ta ba abad apni jeb ka

tha ek chak jis ko main baitha siya kiya

dekhe jo dagh-e-daman-e-isyan pe be shumar

main ne bhi josh-e-girya se tufan bapa kiya

gum karda rah ae hain wo aj mere ghar

ai meri ah-e-nim shabi tu ne kya kiya

kya puchhte ho dast-e-qanaat ki kotahi

kuchh wa shab-e-wisal mein band-e-qaba kiya

lazzat hi thi kuchh aisi ke chhora na sabr ko

karte rahe wo jaur-o-sitam mein saha kiya

kya shai thi wo jo ankh se dil mein utar gai

dil se uthi to ashk ka tufan bapa kya

phir le chala hai kal mujhe kyun bazm-e-yar mein

ijad us ne kya koi tarz-e-jafa kiya

shaida ghazal parho koi majlis mein dusri

ik parh ke rah gae to bhala tum ne kya kiya