چشم تر رات مجھ کو یاد آئی

چشم تر رات مجھ کو یاد آئی

اپنی اوقات مجھ کو یاد آئی

نالۂ دل پر آہ کی میں نے

بات پر بات مجھ کو یاد آئی

ابھی بھولی تھی دخت رز توبہ

پھر وہ بد ذات مجھ کو یاد آئی

زلف میں دیکھ خال کو اس کے

شب کی وہ گھات مجھ کو یاد آئی

دیکھ لالہ کا رنگ اس کی کفک

آج ہیہات مجھ کو یاد آئی

جی پہ جس کے ستم کہیں دیکھا

دل کی اوقات مجھ کو یاد آئی

دیکھ روتے حسنؔ کو شدت سے

پر کی برسات مجھ کو یاد آئی

chashm-e-tar rat mujh ko yad ai

apni auqat mujh ko yad ai

nala-e-dil par ah ki main ne

bat par bat mujh ko yad ai

abhi bhuli thi dukht-e-raz tauba

phir wo bad zat mujh ko yad ai

zulf mein dekh khal ko us ke

shab ki wo ghat mujh ko yad ai

dekh lala ka rang us ki kafak

aj hehat mujh ko yad ai

ji pe jis ke sitam kahin dekha

dil ki auqat mujh ko yad ai

dekh rote husn ko shiddat se

par ki barsat mujh ko yad ai