چاہتا ہوں تجھے نبیؐ کی قسم

چاہتا ہوں تجھے نبیؐ کی قسم

حضرت مرتضیٰ علی کی قسم

مجھے غمگیں نہ چھوڑ روتا آج

تجھے اپنی ہنسی خوشی کی قسم

صاف کہہ بیٹھیے نہ جی میں جو ہو

آپ کو اپنی سادگی کی قسم

میں دلائی قسم تو کہنے لگے

ہم نہیں مانتے کسی کی قسم

صدقہ ہوتا ہوں جس گھڑی مجھ کو

یاد آتی ہے اس پری کی قسم

ہائے کہنا وہ اس کا چپکے سے

تجھے انشاؔ ہماری جی کی قسم

chahta hun tujhe nabi ki qism

hazrat-e-murtaza ali ki qasam

mujhe ghamgin na chhor rota aj

tujhe apni hansi khushi ki qasam

saf kah baithiye na ji mein jo ho

ap ko apni sadgi ki qasam

main dilai qasam to kahne lage

ham nahin mante kisi ki qasam

sadqa hota hun jis ghari mujh ko

yad ati hai us pari ki qasam

hae kahna wo us ka chupke se

tujhe insha hamari ji ki qasam