پھرا پیامبر اپنا خراب رستے میں

پھرا پیامبر اپنا خراب رستے میں

دیا نصیب نے اچھا جواب رستے میں

یہ سچ ہے راہ محبت بڑی ہے ٹیڑھی کھیر

نہ آئے خضر کبھی اس خراب رستے میں

بھٹکتے پھرتے ہیں اس رہ گزار میں عاشق

مسافروں کی ہے مٹی خراب رستے میں

گلی سے یار کی ہم اٹھ کے چل چکے تھے مگر

مچل گیا دل پر اضطراب رستے میں

وہ رستہ کاٹ کے چلتے ہیں اس لئے مجھ سے

کہ کچھ کہے نہ یہ خانہ خراب رستے میں

بغل میں داب کے لے چل عدم کو شیشۂ مے

ملے گی داغؔ نہ تجھ کو شراب رستے میں

phira payambar apna kharab raste mein

diya nasib ne achchha jawab raste mein

ye sach hai rah-e-mohabbat bari hai terhi khir

na ae khizr kabhi is kharab raste mein

bhatakte phirte hain is rah guzar mein ashiq

musafiron ki hai mitti kharab raste mein

gali se yar ki ham uth ke chal chuke the magar

machal gaya dil par iztirab raste mein

wo rasta kat ke chalte hain is liye mujh se

ke kuchh kahe na ye khana kharab raste mein

baghal mein dab ke le chal adam ko shisha-e-mai

milegi dagh na tujh ko sharab raste mein