پھر اس کے پھندے میں جا رہے ہیں کہ جس کے پھندے میں جا چکے تھے

پھر اس کے پھندے میں جا رہے ہیں کہ جس کے پھندے میں جا چکے تھے

وہی مصیبت اٹھا رہے ہیں کہ جو مصیبت اٹھا چکے تھے

کہو جو بے جا بجا ہے مجھ کو سزا ہے جو ناسزا ہے مجھ کو

کہ ان کا رونا پڑا ہے مجھ کو جو مدتوں تک رلا چکے تھے

جو ان کی خو تھی سو ان کی خو ہے جو گفتگو تھی سو گفتگو ہے

پھر ان پہ مٹنے کی آرزو ہے جو ہر طرح سے مٹا چکے تھے

عدو کا میں ہوں عدو مقرر برابر آ کے ہوئے برابر

بھلا بدلتا نہ رنگ کیوں کر وہ رنگ اپنے جما چکے تھے

کسی سے کوئی نہ دل لگائے نسیمؔ کیا کیفیت بتائے

وہی اب آنسو بہانے آئے لہو جو میرا بہا چکے تھے

phir us ke phande mein ja rahe hain ke jis ke phande mein ja chuke the

wahi musibat utha rahe hain ke jo musibat utha chuke the

kaho jo be ja baja hai mujh ko saza hai jo nasaza hai mujh ko

ke un ka rona para hai mujh ko jo muddaton tak rula chuke the

jo un ki khu thi so un ki khu hai jo guftugu thi so guftugu hai

phir un pe mitne ki arzu hai jo har tarah se mita chuke the

adu ka main hun adu muqarrar barabar a ke hue barabar

bhala badalta na rang kyun kar wo rang apne jama chuke the

kisi se koi na dil lagae nasim kya kaifiyat batae

wahi ab ansu bahane ae lahu jo mera baha chuke the