پاک ہے لذت عشرت سے زبان واعظ — نسیم دہلوی (Naseem Dehlvi)

پاک ہے لذت عشرت سے زبان واعظ

جو بلا آئے الٰہی سو بہ جان واعظ

ہم نفس باغ جناں گھر ہے گنہ گاروں کا

ڈھونڈھ دوزخ میں کہیں جا کے مکان واعظ

خدمت رند قدح نوش میں یہ بے ادبی

جی میں ہے کاٹیے دانتوں سے زبان واعظ

خود فراموش ہے کیا اور کو سمجھائے گا

راست بازوں سے کجی پر ہے گمان واعظ

کیوں نہ ہو تیر اشارات سے عالم مجروح

قد خم گشتہ ہے گویا کہ کمان واعظ