پایا جو تجھے تو کھو گئے ہم

پایا جو تجھے تو کھو گئے ہم

بیدار ہوئے تو سو گئے ہم

دل میں لئے غیر کو گئے ہم

ایک آئے عدم سے دو گئے ہم

محشر میں لگی بجھانے آئے شیخ

سیدھے تسنیم کو گئے ہم

سمجھے نہ وہ زخم و داغ دل ہے

لے کر نئے پھول دو گئے ہم

بھر کر دم نزع اک دم سرد

جنت کی ہوا میں سو گئے ہم

اب دشت نور و عشق جو ہو

اس راہ میں کانٹے بو گئے ہم

کوثر کا تھا ذکر حوض مے پر

ہم کہہ کے گرے کہ لو گئے ہم

اللہ بچائے دخت رز سے

یہ آئی کہ مست ہو گئے ہم

اب کشمکش حساب کیسی

کچھ حشر میں آ کے کھو گئے ہم

سو کعبہ دین تھے جلوہ افروز

خم خانہ میں آج جو گئے ہم

میخانے میں جب کبھی ہم آئے

داڑھی رو کر بھگو گئے ہم

اس حج میں وہ بت بھی ساتھ ہوگا

یہ سچ ہے ریاضؔ تو گئے ہم

paya jo tujhe to kho gae ham

bedar hue to so gae ham

dil mein liye ghair ko gae ham

ek ae adam se do gae ham

mahshar mein lagi bujhane ae shaikh

sidhe tasnim ko gae ham

samjhe na wo zakhm-o-dagh-e-dil hai

le kar nae phul do gae ham

bhar kar dam-e-nazaa ik dam-e-sard

jannat ki hawa mein so gae ham

ab dasht-e-nur-o-ishq jo ho

is rah mein kante bu gae ham

kausar ka tha zikr hauz-e-mai par

ham kah ke gire ke lo gae ham

allah bachae dukht-e-raz se

ye ai ke mast ho gae ham

ab kashmakash-e-hisab kaisi

kuchh hashr mein a ke kho gae ham

so kaaba din the jalwa afroz

kham khana mein aj jo gae ham

maikhane mein jab kabhi ham ae

darhi ro kar bhigo gae ham

is haj mein wo but bhi sath hoga

ye sach hai riyaz to gae ham