تا دشت عدم آہ رسا لے گئی مجھ کو

تا دشت عدم آہ رسا لے گئی مجھ کو

جب خاک ہوا میں تو ہوا لے گئی مجھ کو

کوسوں مئے گلگوں کی ہوا لے گئی مجھ کو

یہ لال پری گھر سے اڑا لے گئی مجھ کو

مدت سے نہ ملتی تھی کہیں راہ عدم کی

اس شوخ کے کوچے میں قضا لے گئی مجھ کو

تھا ضعف میں سودا کسی صحرائے جنوں کا

وحشت مرے گھر آ کے بلا لے گئی مجھ کو

جوہرؔ طرف کوچۂ جاناں جو گیا میں

کیا جانے کدھر کی یہ ہوا لے گئی مجھ کو

ta dasht-e-adam ah-e-rasa le gai mujh ko

jab khak hawa mein to hua le gai mujh ko

koson mai gulgun ki hawa le gai mujh ko

ye lal pari ghar se ura le gai mujh ko

muddat se na milti thi kahin rah-e-adam ki

us shokh ke kuche mein qaza le gai mujh ko

tha zof mein sauda kisi sahra-e-junun ka

wahshat mire ghar a ke bala le gai mujh ko

jauhar taraf kucha-e-janan jo gaya main

kya jane kidhar ki ye hua le gai mujh ko