پرخوں ہے جگر لالۂ سیراب کی سوگند

پرخوں ہے جگر لالۂ سیراب کی سوگند

رنگینیٔ داغ دل بیتاب کی سوگند

تصویر ہے تجھ یاد سیں آئینۂ دل آج

حیرت وشئ دیدۂ بے خواب کی سوگند

ہے کعبۂ مقصود مجھے وو خم ابرو

اے شوخ مجھے مسجد و محراب کی سوگند

سر سبز ہے آنسو سیں مرا گلشن امید

ہے مجھ کوں مرے دیدۂ پر آب کی سوگند

احوال سراجؔ آ کہ برہ آگ میں توں دیکھ

بے طاقت و بے تاب ہے سیماب کی سوگند

purkhun hai jigar lala-e-sairab ki saugand

rangini-e-dagh-e-dil betab ki saugand

taswir hai tujh yad sin aina-e-dil aj

hairat washi-e-dida-e-be khwab ki saugand

hai kaaba-e-maqsud mujhe wo kham-e-abru

ai shokh mujhe masjid-o-mehrab ki saugand

sar sabz hai ansu sin mira gulshan ummid

hai mujh kun mire dida-e-pur ab ki saugand

ahwal siraj a ke bira ag mein tun dekh

be taqat-o-be tab hai simab ki saugand