وہ کریں گے مرا قصور معاف

وہ کریں گے مرا قصور معاف

ہو چکا کر چکے ضرور معاف

حسن کو بے قصور کہتے ہیں

ہے قصور آپ کا قصور معاف

میں نے یہ جان کر خطائیں کیں

ہر خطا ہوگی بالضرور معاف

وہ ہنسی آ گئی ترے لب پر

ہو گیا وہ مرا قصور معاف

بے خودی میں جو ہو خطا ہم سے

کم سے کم وہ تو ہو ضرور معاف

خامشی ان کی مجھ سے کہتی ہے

اب ہوا اب ہوا قصور معاف

پھر نہ تم بخشنا کبھی مجھ کو

پہلی تقصیر ہو ضرور معاف

ہاتھ بھی جوڑے پانو پر بھی گرا

اب تو کہہ دو کیا قصور معاف

ہے یہی کام اس کی رحمت کا

ہوں گے میرے گنہ ضرور معاف

اور عادت مری خراب ہوئی

کاش کرتے نہ وہ قصور معاف

خود یہ اقرار جرم کرتے ہیں

کیجئے نوحؔ کو ضرور معاف

wo karenge mira qusur muaf

ho chuka kar chuke zarur muaf

husn ko be qusur kahte hain

hai qusur ap ka qusur muaf

main ne ye jan kar khataen kin

har khata hogi bilzzarur muaf

wo hansi a gai tire lab par

ho gaya wo mira qusur muaf

be khudi mein jo ho khata ham se

kam se kam wo to ho zarur muaf

khamushi un ki mujh se kahti hai

ab hua ab hua qusur muaf

phir na tum bakhshna kabhi mujh ko

pahli taqsir ho zarur muaf

hath bhi jore paon par bhi gira

ab to kah do kiya qusur muaf

hai yahi kam us ki rahmat ka

honge mere gunah zarur muaf

aur adat miri kharab hui

kash karte na wo qusur muaf

khud ye iqrar jurm karte hain

kijiye nuh ko zarur muaf