وہ کس پیار سے کوسنے دے رہے ہیں

وہ کس پیار سے کوسنے دے رہے ہیں

بلائیں عداوت کی ہم لے رہے ہیں

پڑے ہیں وہ عشرت کدے آج ویراں

جہاں یار لوگوں کے جلسے رہے ہیں

برے اور اچھوں کے ہیں ذکر باقی

برے ہی رہے ہیں نہ اچھے رہے ہیں

پیامی سے کہتے ہیں کس نے کہا تھا

وہ کیوں رات بھر یوں تڑپتے رہے ہیں

زباں تھک گئی کوسنے دیتے دیتے

بس اب خیر سے چٹکیاں لے رہے ہیں

نئے داغ کھائے ہیں کیا آج دل پر

یہ گل تو ہمیشہ ہی کھلتے رہے ہیں

جہاں مل کے بیٹھے ہیں دو چار ہم سن

ہمارے تمہارے ہی چرچے رہے ہیں

ظہیرؔ آہ دن زندگانی کے اپنے

بہت جا چکے اور تھوڑے رہے ہیں

wo kis pyar se kosne de rahe hain

balaen adawat ki ham le rahe hain

pare hain wo ishrat kade aj wiran

jahan yar logon ke jalse rahe hain

bure aur achchhon ke hain zikr baqi

bure hi rahe hain na achchhe rahe hain

payami se kahte hain kis ne kaha tha

wo kyun rat bhar yun tarapte rahe hain

zaban thak gai kosne dete dete

bas ab khair se chutkiyan le rahe hain

nae dagh khae hain kya aj dil par

ye gul to hamesha hi khulte rahe hain

jahan mil ke baithe hain do char ham sun

hamare tumhare hi charche rahe hain

zahir ah din zindagani ke apne

bahut ja chuke aur thore rahe hain